أبل تعترف بكارثة في آيفون 18 برو ماكس!

الواحد من يشتري جهاز رائد بسعر فلكي مثل الـ iPhone 18 Pro Max، يتوقع إنه لزم التكنولوجيا من ركبتها، وماكو داعي يدوخ بمشاكل الشبكة والاتصال. خصوصاً بالنسبة لصناع المحتوى اللي يعتمدون على التلفون بكل صغيرة وكبيرة بشغلهم ورفع فيديوهاتهم وتواصلهم المستمر. بس الظاهر أبل قررت ترجعنا ليام زمان، والمشكلة هالمرة مو سوفتوير وينحل بتحديث!

شبكة ماكو.. التلفون صار مجرد "طابوكة" غالية!

السالفة بدت من مجموعة مستخدمين (تحديداً بأمريكا وعلى شبكة AT&T) اشتكوا إن وحش أبل الجديد، الـ iPhone 18 Pro Max، يفقد الاتصال بالشبكة الخلوية فجأة. يعني التلفون يصير عبارة عن كاميرا وشاشة وبس، لا اتصال ولا إنترنت.

المستخدمين ما خلوا طريقة ما جربوها؛ رستروا إعدادات الشبكة، مسحوا الـ eSIM ورجعوا فعلوها، وحتى راحوا لمقرات ومتاجر أبل (Apple Store)، بس النتيجة؟ "عمك أطرش"، التلفون قافل وماكو إشارة!

الصدمة: أبل تعترف وتعلن الحل "المرعب"

بعد الهوسة اللي صارت على منصة Reddit والشكاوي اللي زادت، أبل طلعت واعترفت بوجود هذا العطل "الخطير". بس الصدمة وين؟ الصدمة بالحل! أبل أكدت إن الخلل هذا هاردوير ومو خلل برمجي، والحل الوحيد هو استبدال التلفون بالكامل! أي نعم صديقي، التلفون اللي دفعوا بيه كومة ورقات، طلع بيه عيب مصنعي يخليك تضطر ترجعه للشركة وتاخذ واحد جديد بمكانه.

هل الخلل يوصلنا؟

التقارير الحالية دتكول إن المشكلة متركزة أكثر شي ويا مستخدمي شبكة AT&T بأمريكا، بس هذا الشي يخلي الواحد يحط إيده على كلبه.. هل الخلل محصور بدفعة معينة راحت لأمريكا؟ لو ممكن يضرب باقي الدفعات اللي توصل لأسواقنا؟

الخلاصة.. أبل وكعت بغلطة چبيرة ويا أهم جهاز عدها هالسنة، وتبديل الأجهزة راح يكلفها هواية، وراح يخلي هواية ناس تتردد قبل لا تشتري الـ Pro Max الجديد، وخصوصاً للي يعتمد عليه كجهاز أساسي لإدارة شغله.