شركة Spigen قدمت نظام إكسسوارات جديد اسمه MagFit ecosystem مخصص لهاتف Samsung Galaxy S26، والهدف منه يعطي تجربة استخدام مختلفة للهاتف، خصوصاً أن تصميم السلسلة الجديدة ما تغير كثير عن الأجيال السابقة. فالفكرة من هالإكسسوارات أنها تخلي استخدام الموبايل عملي وأكثر تنوع من أول يوم.
المنظومة تعتمد أساساً على أغطية مغناطيسية تكون قاعدة لبقية الإكسسوارات. من أبرزها غطاء Spigen Liquid Air MagFit اللي يجي بتصميم نحيف ويا سطح بنمط هندسي حتى يعطي مسكة أفضل لليد، إضافة إلى دعمه للنظام المغناطيسي الجديد بسلسلة Samsung Galaxy S26.
كذلك الشركة قدمت غطاء Spigen Ultra Hybrid Zero One، وهذا يتميز بتصميم تقني يبين مكونات الهاتف الداخلية عن طريق طبقات طباعة مزدوجة، ويتوفر بلونين أسود وأبيض، وراح يعجب هواية لعشاق التكنولوجيا. وبالمقابل أكو غطاء Spigen Ultra Hybrid Frost Black اللي يجي بتصميم شبه شفاف بلمسة متجمدة ويعطي شكل عصري للهاتف.
أما إذا نحچي عن الحماية، فغطاء Spigen Tough Armor MagFit يركز أكثر على المتانة، لأنه يجمع بين هيكل TPU قوي ويا طبقة XRD Foamحتى يمتص الصدمات. بالإضافة إلى هذا، بيه حامل مدمج حتى تگدر تشاهد المحتوى بدون ما تمسك الموبايل، ويدعم أيضاً كل الإكسسوارات المغناطيسية.
وبجانب الأغطية، قدمت Spigen مجموعة إكسسوارات إضافية. من بينها واقي الشاشة Spigen AluminaCore EZ Fit المصنوع من زجاج مقوى ويوفر متانة أعلى تقريباً بثلاث مرات، ويا نظام تركيب سهل حتى ينركب بسرعة.
كذلك أكو محفظة مغناطيسية اسمها Spigen Valentinus MagFit+ تتثبت مباشرة خلف الهاتف، وتكدر تستخدمها ويا الحوامل أو باقي الإكسسوارات بدون ما تحتاج تشيلها.
ومن ناحية الشحن، الشركة وفرت شاحن Spigen Essential Qi 2.2 3‑in‑1 Charger بقدرة توصل إلى 25 واط، واللي يگدر يشحن الموبايل ويا الساعة الذكية Samsung Galaxy Watch وسماعات Samsung Galaxy Buds بنفس الوقت، إضافة إلى تصميم قابل للطي حتى يكون سهل بالحمل.
كذلك أكو إكسسوار عملي اسمه Spigen O‑Mag OM104 Phone Grip، وهو مقبض يتثبت مغناطيسياً خلف الغطاء حتى يعطي مسكة مريحة أكثر، ويشتغل أيضاً كحامل لمشاهدة الفيديو.
وما وقفت المنظومة بس على الموبايل، لأن Spigen حدثت بعض الأغطية حتى تتوافق أيضاً مع سماعات Samsung Galaxy Buds 4 وSamsung Galaxy Buds 4 Pro. وقريباً راح ينزل غطاء Spigen Zero One Buds Case بنفس التصميم اللي يبين المكونات الداخلية، إضافة إلى غطاء Spigen Lock Fit Buds Case اللي يجي بآلية قفل أمامية حتى يحافظ على السماعات محمية داخل العلبة
التعليقات
0 تعليقلا توجد تعليقات بعد. كن أول من يعلق!